अर्थमन्त्री वाग्लेले सिंगो संसदको अवमूल्यन हुनेगरी सांसदहरूलाई धम्क्याएकाे भन्दै नेकपाकाे आपत्ति

काठमाडाैं । प्रतिपक्ष दल नेपाली कम्युनिष्ट पार्टी (नेकपा) का नेता एवं पूर्वअर्थमन्त्री वर्षमान पुनले अर्थमन्त्री डा. स्वर्णिम वाग्लेले संसदको अवमूल्यन गरेको भन्दै छानविनका लागि संसदीय समिति गठन गर्न माग गर्नुभएको छ।

प्रतिनिधि सभाकाे शुक्रबारकाे बैठकमा बाेल्दै उहाँले यस्ताे माग गर्नुभएकाे हाे । अर्थमन्त्री वाग्ले आगामी आर्थिक वर्षको बजेटमाथि सांसदहरुले राखेका जिज्ञासाको जवाफ दिने क्रममा सिंगो संसदको अवमूल्यन हुनेगरी सांसदहरुलाई धम्क्याउने काम गरिएकोमा आपत्ति जनाउनुभएकाे छ । उहाँले त्यसबारे छानविन गर्न संसदीय समिति गठन गर्न माग गर्नुभएको हो । उहाँले अर्थमन्त्री वाग्लेले करको दर हेरफेर गर्ने अपराध आफूले गरेको हुँ भनेर संसदको मानहानी गरेको आरोप पनि लगाउनुभयो ।

नेता पुनले पुरानो र नयाँ भनेर विषयान्तर गरेर अर्थमन्त्रीले गरेको अपराध लुकाउने काम गर्न नपाईने बताउनुभएकाे छ । उहाँले करको दर हेरफेर अघिल्लो वर्ष पनि भएको भन्ने अर्थमन्त्री वाग्लेको भनाई उल्लेख गर्दै विगत र वर्तमान सबैको पालामा भएको उक्त विषयमा छानविन गर्नुपर्ने बताउनुभयो ।

नेता पुनले अर्थमन्त्री वाग्लेले नयाँ र पुराना भनेर आफ्नो अपराध लुकाउन नहुने बताउनुभएकाे छ।