Rasifal

राशिफल

मेष

साप्ताहिक राशिफल भदाै १४–२०, २०८३

प्रारम्भमा मनग्य आम्दानी भए पनि खर्चिलाे काम थाल्नाले अर्थ अभाव देखापर्न सक्छ। समस्या सुल्झाउन कर्जा लिनुपर्ने हुन सक्छ। बेलामा होस नपुर्याउँदा चुनौती आउन सक्छन्। मंगलवारपछि रमाइलाे पारिवारिक भेटघाट हुनेछ। तर आफ्ना कमजाेरीकाे आलाेचना हुन सक्छ। स्वास्थ्यका लागि खानपानमा सजग रहनुहोला। सप्ताहान्तमा भने सहयोगीहरूले राम्रो साथ दिनेछन्। काममा मित्रहरूको सहयोगले हौसला प्रदान गर्नेछ। बुद्धिको उपयोगले आयस्रोत बढाउन सकिनेछ। मिहिनेतले लक्ष्य प्राप्त गर्ने साहस जुट्नेछ।

वृष

साप्ताहिक राशिफल भदाै १४–२०, २०८३

कामकाे प्रतिफल प्राप्त हुने समय छ। दिगो काम प्रारम्भ हुनेछ। व्यापार बढ्नेछ। र, मनग्य आम्दानी हातलागी हुनेछ। मिहिनेतले सफलताको उचाइमा पुर्याउन सक्छ। मंगलवारदेखि खर्चिलाे काम गर्नुपर्ने परिस्थिति आउन सक्छ। तर शुभचिन्तकहरूकाे सहयाेगले अप्ठ्याराे काम समेत बन्नेछ। विदेश ताक्नेहरूलाई यात्राको प्रक्रिया अघि बढ्नेछ। उठ्नुपर्ने रकम प्राप्त हुनाले पनि समस्या टर्नेछ। सप्ताहान्तमा स्थिति अनुकूल बन्नेछ। नयाँ अवसर जुट्न सक्छ। आफन्तसँग रमाइलो भेटघाट हुनेछ। मिहिनेत गर्दा अभीष्ट पूरा हुन सक्छ।

मिथुन

साप्ताहिक राशिफल भदाै १४–२०, २०८३

प्रारम्भमा केही उल्झन देखिए पनि हिम्मत गर्दा चिताएको काम सजिलै बन्नेछ। धेरैको विश्वास जित्न नसकिए पनि कामको सन्दर्भमा विशिष्ट व्यक्तिहरू नजिकिनेछन्। नाम, दाम र इनाम हातपार्ने समय छ। दिगो आम्दानी हुने काम सुरु गर्ने मौका छ। लगनशीलताले कीर्तिमानी समेत दिलाउन सक्छ। आम्दानीका स्रोतहरू बढ्नेछन्। खर्चिलो कामले धन संग्रहमा भने बाधा पुर्याउन सक्छ। सप्ताहान्तमा आफन्तजन टाढा हुनेछन् भने टाढाका साथीभाइ नजिकिन सक्छन्। अवसरका लागि दौडधुप गर्नुपर्ला। फजुल खर्च पनि बढ्न सक्छ।

कर्कट

साप्ताहिक राशिफल भदाै १४–२०, २०८३

सुरुमा स्वास्थ्य कमजाेर हुनेछ र धन खर्चनुपर्नेछ। परिस्थितिको चक्रमा अलमलिनुपर्दा कार्यसम्पादनमा समय लाग्नेछ। तापनि सुखदुःखमा साथ दिनेहरू भेटिनेछन्। खर्च लागे पनि नयाँ काम सुरु हुनेछ। आध्यात्मिक चिन्तनले सुख प्राप्त हुनेछ। इतिहास एवं धर्म–संस्कृतिको जगेर्नामा रुचि जाग्नेछ। अरूलाई प्रभावित पारेर उपलब्धि हातपार्न सकिनेछ। प्रतिष्ठित कामले स्थापित गराउनेछ। तारिफयोग्य काम गर्दै लोकप्रियता हासिल गर्न सकिनेछ। पेसा–व्यवसायमा लाभ मिल्नेछ। दिगो काम सुरु हुनेछ र नियमित आम्दानी बढ्नेछ।

सिंह

साप्ताहिक राशिफल भदाै १४–२०, २०८३

सुरुमा जिम्मेवारी बढ्नेछन् र अरूका लागि समय खर्च हुनेछ। तर विवादास्पद जिम्मेवारीले समस्या निम्त्याउन सक्छ। अवसरवादीहरूले आफ्ना कमजोरीको फाइदा उठाउने चेष्टा गर्नेछन्। बन्न लागेकाे काम बिग्रने डरले पनि सताउन सक्छ। मंगलवारपछि स्थितिमा सुधार आउन सक्छ। आध्यात्मिक चिन्तनले दुर्भावनाका तरंगहरू समाप्त हुनेछन्। मिहिनेतले चिताएको काम सम्पादन हुनेछ भने नयाँ कामतर्फ अग्रसर हुने मौका जुट्नेछ। मान्यजनसँगकाे सहकार्यले फाइदा दिलाउनेछ। तारिफयाेग्य कामले चर्चामा ल्याउन सक्छ।

कन्या

साप्ताहिक राशिफल भदाै १४–२०, २०८३

प्रारम्भमा पुरुषार्थी काम बन्नेछन्। रमाइलो यात्राको साइत जुर्नेछ भने चिताएको काम पनि बन्नेछ। मिहिनेतले जीवनशैलीमा परिवर्तन ल्याउन सकिनेछ। तारिफयाेग्य काम बन्नाले जोश–जाँगर पनि बढ्नेछ। मंगलवारदेखि भने अस्वस्थताको योग देखिएकाले खानपानमा सजग रहनुहोला। कामको बोझ थपिनेछ भने रकम बाहिरिनाले अर्थ अभाव देखापर्नेछ। आँटेको काम रोकिन सक्छ। सप्ताहान्तमा स्थितिमा सुधार आउला। शुभचिन्तकहरूको सहयोग जुट्नेछ, भाग्यले साथ दिनेछ र दिगो काम थालनी हुनाले भविष्यप्रति आशा बढ्नेछ।

तुला

साप्ताहिक राशिफल भदाै १४–२०, २०८३

विभिन्न अवसर प्राप्त हुनुका साथै रोकिएका काम बन्नाले आर्थिक पक्ष सबल बन्नेछ। प्रतिद्वन्द्वीहरूलाई परास्त गर्न सफल भइनेछ। दिगो काम गर्ने समय छ। भौतिक साधनले जीवनशैलीमा परिवर्तन ल्याउन सक्छ। प्रियजनसँग रमाइलो भेटघाट हुनेछ। रमाइलो यात्रा र मनोरञ्जनको आनन्द प्राप्त हुनेछ। अतिथिका रूपमा सत्कार पाइनेछ। प्रेम र मित्रताको बन्धन कसिलो हुनेछ। सप्ताहान्तमा भने स्वास्थ्य कमजाेर रहला। केही समस्यासँग जुध्नुपर्दा काम बिग्रने डरले सताउन सक्छ। समस्या दर्साउँदा सहयाेगीहरूले साथ दिनेछन्।

वृश्चिक

साप्ताहिक राशिफल भदाै १४–२०, २०८३

अध्ययनमा राम्रो प्रगति हुनेछ भने रोकिएका काम बन्नाले नयाँ योजनातर्फ अग्रसर भइनेछ। नाेकरी तथा पेसा–व्यवसायमा फाइदा हुनेछ। सहयोगीहरू जुट्नाले काम बन्नेछन् र मिहिनेतले सफलता दिलाउन सक्छ। कामका चुनौतीहरू समाप्त हुनेछन् र सोचेको फाइदा उठाउन सकिनेछ। पुरुषार्थी कामले लक्ष्यमा पुर्याउनेछ। सप्ताहान्तमा परिस्थिति र साेखले खर्च बढाउनेछ। स्रोतसाधन जुट्नाले काम बन्नेछ। रमाइलो यात्रा गर्ने साइत जुर्न सक्छ। मन मिल्ने साथी भेटिनुका साथै मित्रता र प्रेमकाे बन्धन कसिलो हुने सम्भावना छ।

धनु

साप्ताहिक राशिफल भदाै १४–२०, २०८३

प्रारम्भमा काम बन्नेछ। तर घरेलु समस्या र पुरानाे वादविवाद सुल्झाउन जुट्नुपर्ला। बलभन्दा बुद्धिको उपयोगले फाइदा लिन सकिनेछ। असम्भव काममा समेत युक्तिले सफलता दिलाउन सक्छ। मंगलवारपछि स्थिति अनुकूल बन्नाले केही अवसर प्राप्त हुनेछन्। हिम्मतले काम बन्नेछ, अनुभवले ज्ञान बढ्नेछ भने मेहनतले आम्दानीको दिगो स्रोत जुट्न सक्छ। सप्ताहान्तमा शत्रुपक्षलाई हराउन सकिनेछ। लगनशीलताले धेरै काम सम्पादन हुनेछन्। शुभचिन्तक र प्रतिस्पर्धीलाई समेटेर काम लिनुहोला, दिगो योजना पूर्ण हुनेछ।

मकर

साप्ताहिक राशिफल भदाै १४–२०, २०८३

प्रारम्भमा केही उपलब्धि हातलागी हुनेछ। तर अरूकाे भरपर्दा सुरुमै काम बिग्रन सक्छ। सहयाेगीहरू टाढिने र प्रतिस्पर्धीहरू जाग्ने सम्भावना देखिन्छ। आफ्ना कमजाेरीकाे फाइदा अरूले उठाउने चेष्टा गर्नेछन्। तापनि मिहिनेतले काम बन्नेछ, अनुभवले ज्ञान बढ्नेछ र सावधानीले जाेखिम टर्नेछ। मंगलवार र बुधवार भने घरायसी समस्याले अल्झाउन सक्छ। तापनि शुभचिन्तकहरूकाे साथ–सहयाेगले परिस्थिति अनुकूल बन्नेछ। सप्ताहान्तमा अवसरले पछ्याउनेछन्। सामाजिक कार्यले सम्मानित स्थान दिलाउनेछ। अध्ययनमा प्रगति हुनेछ।

कुम्भ

साप्ताहिक राशिफल भदाै १४–२०, २०८३

प्रारम्भ फलदायी रहनेछ। बोलीको प्रभावले मनग्य फाइदा उठाउन सकिनेछ। तर्कशक्ति बढ्नेछ भने अध्ययनमा प्रगति हुनेछ। दिगो फाइदा हुने काम सुरु हुनेछ। मेहनतीहरूलाई समयले साथ दिनेछ। बुद्धिको उपयोगले विद्या तथा धन आर्जन हुनेछ। पहिलेकाे उपलब्धिले थप काममा हिम्मत दिलाउनेछ। लाेकप्रिय काम गर्दै मनग्य दाम समाउने अवसर प्राप्त हुनेछ। दिगो फाइदा हुने काम थालनी गर्न सकिनेछ। सप्ताहान्तमा पारिवारिक उल्झनमा परिएला। अवसरवादीहरूबाट सावधान रहनुहोला। आफन्तको सहयोगले काम बन्नेछ।

मीन

साप्ताहिक राशिफल भदाै १४–२०, २०८३

प्रारम्भमा खर्चिलाे काम गर्नुपरे पनि हिम्मत गर्दा जटिल काम समेत सजिलै सम्पादन हुनेछ। लगनशीलताले प्रतिष्ठित काम गर्ने मौका दिलाउनेछ। राम्रा काममा अभिप्रेरित गर्नेहरू प्रशस्तै भेटिनेछन्। रमाइलो जमघटका बीच स्वादिष्ट खानपानको आनन्द प्राप्त हुनेछ। बीचमा कुरा लगाउनेहरूले सम्बन्धमा फाटो उत्पन्न गर्न सक्छन्। धेरै बोल्ने बानीले समस्या निम्त्याउन सक्छ। सानाे विवादले पहिलेकाे समझदारी टुंग्याउन सक्छ। तापनि कर्मक्षेत्रमा प्रतिस्पर्धीहरू समेत सहयोगीका रूपमा देखा पर्नेछन्। आम्दानी बढ्नाले उत्साह जाग्नेछ।