103
Shares
काठमाडौँ । प्रतिनिधि सभा निर्वाचन २०८२ मा नेपाली कांग्रेसले उम्मेदवार बनाएका सबै प्रमुख पदाधिकारीहरू पराजित भएका छन्। पार्टीका सभापति, महामन्त्री र सहमहामन्त्रीहरू निर्वाचनमा विजयी हुन सकेनन्, जसले कांग्रेसका लागि ठूलो निराशा सिर्जना गरेको छ।
२१ फागुनमा सम्पन्न निर्वाचनमा कांग्रेसले सभापति गगनकुमार थापासहित आठ जना पदाधिकारीहरूलाई उम्मेदवार बनाएको थियो। तर, कसैलाई पनि अब गठन हुने प्रतिनिधि सभामा स्थान बनाउन सकेनन्। सभापति थापालाई प्रधानमन्त्रीको उम्मेदवार बनाइ चुनावमा उतारे पनि उनी युवा मतदाताको असन्तुष्टिको शिकार बने।
सभापति थापाको पराजय:
मधेश प्रदेशको सर्लाही–४ बाट उम्मेदवार बनेका थापालाई रास्वपा नेता डा. अमरेशकुमार सिंहले झण्डै ११ हजार मतले पराजित गरे।
सिंह ३५,६८८ मतसहित विजयी भए, जबकि थापाले २२,८३१ मत मात्र पाए।
महामन्त्रीहरूको पराजय:
प्रदीप पौडेल (काठमाडौं–५) र गुरूराज घिमिरे (मोरङ–४) दुवै रास्वपाका उम्मेदवारसँग पराजित।
पौडेल रास्वपाका सम्मित पोखरेलसँग २१,५७८ मतले पराजित भए।
घिमिरे रास्वपाका सन्तोष राजवंशीसँग २८ हजार मतले पराजित।
सहमहामन्त्रीहरूको परिणाम:
फरमुल्लाह मन्सुर, उदयशम्शेर राणा, प्रकाश रसाइली स्नेही, योगेन्द्र चौधरी र कर्णबहादुर बुढा निर्वाचनमा पराजित।
प्रमुख विजेताहरूमा रास्वपाका अरबिन्द साह, बुद्धरत्न महर्जन, देवराज पाठक र नेपाली कम्युनिस्ट पार्टीका धनबहादुर बुढा रहेका छन्।
प्रत्यक्षतर्फ कांग्रेसका जित:
कांग्रेसले प्रत्यक्षतर्फ १७ सिटमा मात्र सफलता पाएको छ।
कोशी प्रदेश: नरेन्द्रकुमार केरूङ (पाँचथर), सन्तोष सुब्बा (तेह्रथुम), प्रकाशसिंह कार्की (सोलुखुम्बु)।
मधेश प्रदेश: रौतहट–२ बाट फिरदोश आलम।
बागमती प्रदेश: रसुवा–१ बाट मोहन आचार्य।
गण्डकी प्रदेश: टेकबहादुर गुरूङ (मनाङ), योगेश गौचन थकाली (मुस्ताङ)।
लुम्बिनी प्रदेश: सन्दीप राना (पाल्पा–१), अभिषेकप्रताप शाह (कपिलवस्तु–३)।
कर्णाली प्रदेश: बासना थापा (दैलेख–१), खड्ग शाही (मुगु), विष्णुबहादुर खड्का (सुर्खेत–१), जयपती रोकाया (हुम्ला), खडकबहादुर बुढा (जाजरकोट)।
सुदूरपश्चिम प्रदेश: डोटी–भरतबहादुर खड्का, अछाम–१–भरतकुमार स्वार, बाजुरा–जनकराज गिरी।
यो नतिजाले देखाउँछ कि लामो समयको राजनीतिक विरासत बोकेको कांग्रेसले युवा मतदातामा अपेक्षित समर्थन प्राप्त गर्न सकेको छैन।
फेसबुकबाट तपाईको प्रतिक्रिया