काठमाडौं । शुक्रबार सुनको भाउ सामान्य घटेको छ। अघिल्लो दिनको तुलनामा आज सुन प्रतितोला ५ सय रुपैयाँ घटेको नेपाल सुनचाँदी व्यवसायी महासंघले जनाएको छ।
महासंघले शुक्रबारका लागि सुनको मूल्य प्रतितोला ३ लाख १४ हजार ९ सय रुपैयाँ तोकेको छ। अघिल्लो दिन भने सुन प्रतितोला ३ लाख १५ हजार ४ सय रुपैयाँमा कारोबार भएको थियो।
यसअघि माघ १५ गते सुनको भाउ हालसम्मकै उच्च ३ लाख ३९ हजार रुपैयाँ पुगेको रेकर्ड कायम भएको थियो। पछिल्ला दिनमा अन्तर्राष्ट्रिय बजारको प्रभाव र विनिमयदरमा आएको उतार–चढावका कारण सुनको मूल्यमा दैनिक परिवर्तन देखिँदै आएको छ।
सुनको मूल्य घट्दा पनि आज चाँदीको भाउ भने बढेको छ। अघिल्लो दिनको तुलनामा चाँदी प्रतितोला १५ रुपैयाँले वृद्धि भई ५ हजार ७४० रुपैयाँ पुगेको महासंघले जनाएको छ।
व्यवसायीहरूका अनुसार अन्तर्राष्ट्रिय बजारको मूल्य, डलर विनिमयदर र माग–आपूर्तिको अवस्थाअनुसार आगामी दिनमा पनि भाउमा उतारचढाव हुन सक्नेछ।
फेसबुकबाट तपाईको प्रतिक्रिया