बिजुली बजारमा राजावादीलाई प्रदर्शन गर्न रोक

काठमाडौँ । प्रहरीले राजसंस्था समर्थकलाई काठमाडौँको बिजुली बजारमा प्रदर्शन गर्न रोक लगाएको छ । शनिबार राजसंस्था पुनस्र्थापनाको पक्षमा वकालत गर्दै शाही युवा शक्ति नेपालले शनिबार काठमाडौँको बिजुली बजारमा प्रदर्शन गर्न खोजेको थियो । तर ठुलो सङ्ख्यामा तैनाथ गरिएका प्रहरीले प्रदर्शन गर्न बिजुली बजार पुग्नेहरूलाई त्यहाँबाट हटाएको थियो । सो क्रममा एक जनालाई नियन्त्रणमा लिइएको प्रहरीले जनाएको छ । प्रशासनको अनुमतिबिना प्रदर्शन गर्न खोजेपछि रोक लगाइएको प्रहरीले जानकारी दिएको छ । यसअघि सामाखुसी क्षेत्रमा प्रदर्शन गर्दै आएका राजावादीहरूले शनिबार भने बिजुली बजारमा प्रदर्शन गर्न खोजेका थिए ।