सार्वजनिक यातायातको भाडा फेरि बढ्यो, ५ प्रतिशत वृद्धि

काठमाडौं । सरकारले सार्वजनिक यातायातको भाडा पुनः बढाएको छ । यातायात व्यवस्था विभागले आज सूचना जारी गर्दै यात्रुवाहक तथा मालवाहक सवारी साधनको भाडा समायोजन गरिएको जनाएको हो ।

विभागका अनुसार यही १२ गते भौतिक पूर्वाधार तथा यातायात मन्त्रालयको सैद्धान्तिक सहमतिमा ५ प्रतिशतले भाडा वृद्धि गरिएको हो ।

डिजेलको मूल्यवृद्धिका कारण भाडादर समायोजन गर्नुपरेको विभागले स्पष्ट पारेको छ । यद्यपि, बढेको भाडा विद्युतीय सवारी साधनमा भने लागू नहुने जनाइएको छ ।

यसअघि पनि गत चैत २५ गते सार्वजनिक यातायातको भाडा बढाइएको थियो ।