एजेन्सी । अफगानिस्तानको राजधानी काबुल लाई देशको उत्तरी क्षेत्र र मध्य एशियाली राष्ट्रहरूसँग जोड्ने मुख्य राजमार्ग सालाङ भञ्ज्याङ भारी हिमपातका कारण बन्द भएको छ।
आधिकारिक समाचार एजेन्सी बाख्तर का अनुसार, सार्वजनिक निर्माण मन्त्रालयका प्रवक्ता मोहम्मद अशरफ हकशिन ले हिमपात, हावाहुरी र कुहिरोका कारण मंगलबार रातिदेखि सालाङ मार्ग अवरुद्ध भएको जानकारी दिएका छन्।
सालाङ सुरुङ, जो हिन्दु कुश पर्वतमालामा समुद्र सतहदेखि करिब ३ हजार मिटर उचाइमा छ, काबुललाई नौवटा उत्तरी प्रान्त र मध्य एसियासँग जोड्ने जीवनरेखा मानिन्छ। अर्को सूचना नभएसम्म चालकहरूलाई यस मार्गबाट यात्रा नगर्न आग्रह गरिएको छ।
यसैगरी, काबुललाई पूर्वी प्रान्तहरू – नान्गाहार, लगमान, कुनार र नुरिस्तान – सँग जोड्ने सडक पनि विगत चार दिनदेखि बन्द रहेको छ।
फेसबुकबाट तपाईको प्रतिक्रिया