हवाई इन्धनको मूल्य ह्वात्तै बढ्यो: आन्तरिकमा प्रतिलिटर २५१ रुपैयाँ

काठमाडौं । नेपाल आयल निगम ले हवाई इन्धनको मूल्य उल्लेखनीय रूपमा बढाएको छ।

निगमले मंगलबार राति १२ बजेदेखि लागू हुने गरी पेट्रोल, डिजेल, मट्टितेल र खाना पकाउने एलपी ग्यासको मूल्य यथावत राख्दै हवाई इन्धनको मूल्य वृद्धि गरेको जनाएको हो।

आन्तरिकतर्फ हवाई इन्धनको मूल्य हाल प्रतिलिटर १२७ रुपैयाँ रहेकोमा बढाएर २५१ रुपैयाँ प्रतिलिटर कायम गरिएको छ।

त्यस्तै, अन्तर्राष्ट्रियतर्फ पनि मूल्यमा ठूलो वृद्धि गरिएको छः

• काठमाडौं: ९६६ डलरबाट बढेर १,७८५ डलर प्रति किलोलिटर
• पोखरा: ८०१ डलरबाट बढेर १,७३२ डलर प्रति किलोलिटर
• भैरहवा: ७८९ डलरबाट बढेर १,७१६ डलर प्रति किलोलिटर

निगमका अनुसार अन्तर्राष्ट्रिय बजारमा इन्धनको मूल्य वृद्धि भएसँगै हवाई इन्धनको मूल्य समायोजन गरिएको हो।