काठमाडौं । हर्कराज राई, श्रम संस्कृति पार्टीका अध्यक्ष, ले देशको विकासका लागि भाषणभन्दा व्यवहारिक काममा केन्द्रित हुनुपर्ने बताएका छन्।
शुक्रबार काठमाडौंमा पार्टी सदस्यता वितरण कार्यक्रमलाई सम्बोधन गर्दै अध्यक्ष राईले राजनीतिक नेतृत्वले अब नाराभन्दा परिणाममुखी काममा ध्यान दिनुपर्नेमा जोड दिनुभयो। उहाँले नागरिकको सक्रिय सहभागिता बिना विकास असम्भव भएको र मुलुकको विकासका लागि श्रमदान अपरिहार्य भएको बताउनुभयो।
राईका अनुसार ठूलो संख्यामा नागरिकको श्रम परिचालन गर्न सकिएमा मात्रै विकासले गति लिनेछ। त्यसै उद्देश्यका साथ श्रम संस्कृति पार्टीले कम्तीमा एक करोड श्रमदाता जोड्ने लक्ष्य राखेको छ।
उहाँले सरकारले गर्न नसक्ने कामहरू पनि नागरिकको स्वस्फूर्त श्रमदानबाट सम्भव हुने भन्दै दार्चुलामा श्रमदानमार्फत पुल निर्माण गर्ने तयारी भइरहेको जानकारी दिनुभयो।
फेसबुकबाट तपाईको प्रतिक्रिया