इरानमा अमेरिका–इजरायल आक्रमणमा २४ घण्टामा ९६ जनाको मृत्यु

काठमाडौं । इरानमाथि जारी संयुक्त अमेरिका–इजरायल आक्रमणका क्रममा पछिल्लो २४ घण्टामा ८५ सर्वसाधारण र ११ जना सैनिक गरी जम्मा ९६ जनाको मृत्यु भएको छ।

मानव अधिकार कार्यकर्ताहरूको समाचार एजेन्सी एचआरएएनए ले सोमबार जनाएको अनुसार, फेब्रुअरी २८ देखि सुरु भएको आक्रमणपछि हालसम्म सर्वसाधारणको मृत्यु संख्या कम्तीमा ७४२ पुगेको छ। यसमा १७६ जना बालबालिका पनि समावेश छन्। यसअघि इरानी रेड क्रिसेन्ट सोसाइटी ले मृत्यु संख्या ५५५ रहेको जानकारी दिएको थियो। अन्तर्राष्ट्रिय सञ्चारमाध्यम अल जजिरा ले यी तथ्यांकहरू स्वतन्त्र रूपमा पुष्टि गर्न नसकेको उल्लेख छ।

एचआरएएनाका अनुसार सोमबारका आक्रमणहरूमा विभिन्न स्थान र पूर्वाधारहरू लक्षित थिए, जसमा केही सैन्य अड्डा, दुई आवासीय क्षेत्र र बन्दर अब्बास शाहिद बहोनार पियर पनि समावेश छन्।