चन्द्रकला पौडेलको काँधमा नेपाल बिमा प्राधिकरणको नेतृत्व

काठमाडौं । सरकारले संघीय मामिला तथा सामान्य प्रशासन मन्त्रालयकी सचिव चन्द्रकला पौडेललाई नेपाल बिमा प्राधिकरणको अध्यक्षको जिम्मेवारी दिएको छ।

सोमबार बसेको मन्त्रिपरिषद् बैठकले अर्को व्यवस्था नभएसम्मका लागि पौडेललाई प्राधिकरणको सञ्चालक समिति अध्यक्षका रूपमा जिम्मेवारी तोक्ने निर्णय गरेको हो। बैठकको निर्णयबारे जानकारी दिँदै सरकारका प्रवक्ता तथा गृहमन्त्री ओमप्रकाश अर्यालले उक्त कुरा बताएका छन्।

यसै बैठकले पाँच वटा जलविद्युत आयोजनालाई राष्ट्रिय वन क्षेत्र प्रयोग गर्न स्वीकृति दिने निर्णय पनि गरेको छ। अर्यालका अनुसार सुतिखोला जलविद्युत आयोजना, तामाकोसी पाँचौँ जलविद्युत आयोजना, माथिल्लो संखुवासभा जलविद्युत आयोजना र सेतीखोला जलविद्युत आयोजनालाई वन क्षेत्र प्रयोग गर्न अनुमति दिइएको हो।

सरकारले आवश्यक प्रक्रिया पूरा गरी आयोजनाहरूलाई कार्यान्वयनतर्फ अघि बढाइने जनाएको छ।