10
Shares
काठमाडाैं । चीनले नेपालसँग आपत्कालीन मौसम सम्बन्धी सूचना निरन्तर आदानप्रदान गर्ने भएको छ।
चिनियाँ दूतावासले उद्धार तथा विपद् राहत प्रयासका लागि जलविज्ञान अनुगमन सम्बन्धी सूचना निरन्तर आदानप्रदान गर्ने नेपालमा रहेको जनाएको हाे। यसमा नदीमा बनेका अवरोध अर्थात् (ब्यारियर) अनि हिमतालबाट उत्पन्न हुन सक्ने जोखिम सम्बन्धी जानकारी समेत समेटिने चिनियाँ दूतावासले जानकारी दिएको छ ।
चीनको मौसम सम्बन्धी अधिकारीहरूले चीन–नेपालको केरुङ–रसुवा सीमा नाकामा भीषण पहिरो गएपछि नेपाललाई मौसम निगरानी, मौसम पूर्वानुमान, पूर्वसूचना तथा प्रभाव सम्बन्धी सेवाहरू उपलब्ध गराउँदै आएको थियो । विपद्लगत्तै चिनियाँ प्रशासनले नेपालको मौसम विभागसँग भिडियोमार्फत मौसम सम्बन्धी परामर्श गरेको जनाएकाे छ।
चिनियाँ प्रशासनले नेपालको उद्धार तथा राहत कार्यका लागि मौसम सम्बन्धी सहयोग सक्रियरूपमा उपलब्ध गराउँदै आएको समेत दावी गरेकाे हाे।
फेसबुकबाट तपाईको प्रतिक्रिया