काठमाडौं । अमेरिका–इजरायलको आक्रमणपछि इरानको खुमेइन शहरको शाहिद खुमेइन ब्वाइज स्कुलमा गम्भीर क्षति पुगेको छ।
इरानी सरकारी समाचार एजेन्सी फार्सले सोमबार बिहान विद्यालयमा भएको क्षतिको जानकारी दिएको हो। एजेन्सीले विद्यालयका केही तस्वीरहरू पनि सार्वजनिक गरेको छ जसमा भवनको भाग ध्वस्त भएको देखिएको छ।
सरकारी एजेन्सीले मर्काजी प्रदेशका एक उपगभर्नरलाई उद्धृत गर्दै उक्त विद्यालयमा आक्रमण भएको पुष्टि गरेको छ। यद्यपि अहिलेसम्म कुनै मानवीय क्षति भएको छैन। आसपासका केही घरहरूमा भने क्षति पुगेको समाचारमा उल्लेख छ।
आक्रमणपछि स्थानीय क्षेत्रमा त्रास फैलिएको छ। आक्रमणको पूर्ण विवरण भने अझै सार्वजनिक भएको छैन।
फेसबुकबाट तपाईको प्रतिक्रिया