पश्चिम एशिया द्वन्द्वबीच भारतमा एलपीजी अभाव र कालोबजारीको चपेटामा

काठमाडौं । पश्चिम एशियामा जारी द्वन्द्वका बीच भारतको नयाँ दिल्ली लगायतका विभिन्न शहर र नगरहरूमा निजी लिक्विफाइड पेट्रोलियम ग्यास (एलपीजी) वितरण एजेन्सीहरू अगाडि लामो लाइन देखिएको छ।

घरायसी एलपीजी सिलिन्डर भर्नका लागि अनलाइन बुकिङ गर्न मानिसहरूले कठिनाइ भोगिरहेका रिपोर्ट आएका छन्। केही शहरहरूमा घरायसी एलपीजी सिलिन्डरहरू प्रतिसिलिन्डर ९ सय १३ भारतीय रुपैयाँ (करिब ९.८७ अमेरिकी डलर) भन्दा बढी मूल्यमा विक्री भइरहेको देखिएको छ।

अधिकांश रेस्टुरेन्ट र होटलहरू, विशेष गरी आर्थिक राजधानी मुम्बईमा, व्यावसायिक एलपीजी सिलिन्डर पाउन निरन्तर कठिनाइ भोगिरहेका छन्।

खाना पकाउने ग्यासको अभावका कारण देशभर अनिश्चितता बढेको अवस्थामा प्रधानमन्त्री नरेन्द्र मोदीले हस्तक्षेप गरी एलपीजी सिलिन्डर कालोबजारी वा जम्माखोरी नहोस् भनेर सुनिश्चित गर्न हरेक प्रयास भइरहेको बताएका छन्।

यस्तै, आधिकारिक स्रोतका अनुसार सम्भावित एलपीजी अभावलाई पूरा गर्न गत हप्ताको तुलनामा देशमा घरेलु उत्पादन ३० प्रतिशतले बढाइएको छ।