आज देशका केही स्थानमा वर्षा र हिमपातको सम्भावना

काठमाडौं । आज देशका विभिन्न भागमा आंशिक बदलीसँगै वर्षा र हिमपातको सम्भावना रहेको छ। जल तथा मौसम विज्ञान विभागका अनुसार कोसी र गण्डकी प्रदेशका उच्च पहाडी तथा हिमाली भूभागका एक–दुई स्थानमा हल्का हिमपात तथा वर्षा हुन सक्ने अनुमान गरिएको छ।

दिउँसो तराई भूभागका धेरै स्थानमा हुस्सु तथा कुहिरो लाग्ने सम्भावना रहेको विभागले जनाएको छ। मौसम पूर्वानुमान अनुसार कोसी, मधेस, वाग्मती, गण्डकी र लुम्बिनी प्रदेशमा आंशिक बदली रहनेछ भने बाँकी भूभागमा मौसम मुख्यतया सफा रहनेछ।

रातिको समयमा पनि तराईका थोरै स्थानहरूमा हुस्सु लाग्ने सम्भावना छ। त्यस्तै, कोसी र वाग्मती प्रदेशमा आंशिक बदली कायम रहनेछ भने अन्य क्षेत्रमा मौसम सामान्यतया सफा रहने विभागले जनाएको छ।

विभागले विशेषगरी पहाडी र हिमाली क्षेत्रका बासिन्दालाई चिसोबाट बच्न आवश्यक सतर्कता अपनाउन आग्रह गरेको छ।