158
Shares
काठमाडौं । नेपाली कांग्रेसले आगामी प्रतिनिधिसभा निर्वाचनका लागि काठमाडौंका थप पाँच निर्वाचन क्षेत्रमा उम्मेदवारको टुंगो लगाएको छ। संसदीय बोर्डले मंगलबार दिउँसो बसेको बैठकबाट काठमाडौं निर्वाचन क्षेत्र नम्बर ३, ४, ८, ९ र १० का उम्मेदवार तय गरेको हो।
कांग्रेस स्रोतका अनुसार काठमाडौं–३ मा रमेश अर्याललाई उम्मेदवार बनाइएको छ भने काठमाडौं–४ मा सचिन तिमल्सिनालाई टिकट दिइएको छ। निर्वाचन क्षेत्र नम्बर ८ बाट सपना राजभण्डारीले उम्मेदवारी पाएकी छन्। यस्तै, क्षेत्र नम्बर ९ मा नानु बास्तोला र क्षेत्र नम्बर १० मा हिमाल कार्कीलाई उम्मेदवार बनाइएको छ।
यसअघि कांग्रेसले काठमाडौं–५ मा महामन्त्री प्रदीप पौडेललाई दोहोर्याएको थियो भने काठमाडौं–६ मा काठमाडौं कांग्रेस सभापति कृष्णसबुज बानियाँलाई उम्मेदवार बनाइसकेको छ।
फेसबुकबाट तपाईको प्रतिक्रिया