सञ्चारमन्त्री खरेल र नेकपा संयोजक दाहालबीच भेटवार्ता

काठमाडौँ। सञ्चार तथा सूचना प्रविधिमन्त्री जगदीश खरेल र नेपाली कम्युनिस्ट पार्टी (नेकपा) का संयोजक **पुष्पकमल दाहाल ‘प्रचण्ड’बीच भेटवार्ता भएको छ।

सरकारी राजनीतिक संवाद समितिका सदस्यसमेत रहेका मन्त्री खरेलले शुक्रबार संयोजक दाहालसँग भेट गरी समसामयिक राजनीतिक विषयमा छलफल गर्नुभएको स्रोतले जनाएको छ। भेटमा आगामी प्रतिनिधिसभा निर्वाचनको तयारी, निर्वाचन वातावरण निर्माण तथा प्रमुख राजनीतिक दलहरूबीच सहमति कायम गर्ने विषयमा कुराकानी भएको बताइएको छ।

यसअघि मन्त्री खरेलले नेपाली कांग्रेसका सभापति शेरबहादुर देउवा र नेकपा एमालेका अध्यक्ष केपी शर्मा ओलीसँग पनि छुट्टाछुट्टै भेटवार्ता गर्नुभएको थियो। प्रतिनिधिसभा निर्वाचनको तयारी भइरहेको सन्दर्भमा भएका यी भेटघाटलाई राजनीतिक दलहरूबीच सहमति र संवादको प्रयासका रूपमा हेरिएको छ।