राप्रपा सांसद कार्कीको चेतावनीः 'गृहमन्त्रीज्यु धेरै फुर्ति नदेखाउनुस्'

काठमाडौँ । राष्ट्रिय प्रजातन्त्र पार्टीकी सांसद रोशन कार्कीले गृहमन्त्री रमेश लेखकलाई धेरै फुर्ति नदेखाउन चेतावनी दिनुभएको छ । 

प्रतिनिधि सभाको शनिबारको बैठकमा बोल्दै उहाँले यस्तो चेतावनी दिनुभएको हो । उहाँले मानव तस्करीको नाममा किन नेपाली जनतालाई लुटेको भन्दै प्रश्न गर्नुभयो । 

गृहमन्त्रीलाई आफूले सोझो ठानेको भएपनि चम्मु बाठो पाएको जिकिर गर्दै उहाँले गृहमन्त्री लेखकले भिजिट भिसा प्रकरणको अनुसन्धान गर्न आफू पनि बच्ने र कमाइ पनि बचाउने गरी छानबिन समिति गठन गर्नुभएको आरोप लगाउनु भयो ।  उहाँले गृहमन्त्रीले तत्काल राजीनामा दिनुपर्ने माग गर्नुभयो ।