526
Shares
काठमाडौँ । सरकारले बिहीबार आगामी आर्थिक वर्ष २०८२/८३ का लागि बजेट ल्याउँदैछ ।
संघीय संसद्को दुवै सदनमा अर्थमन्त्री विष्णु पौडेलले आगामी आर्थिक वर्षका लागि बजेट पेश गर्न लागेका हुन् ।
हरेक वर्षकाे जेठ १५ गते आगामी आर्थिक वर्षकाे बजेट ल्याउनै पर्ने संवैधानिक व्यवस्था छ । तर संसदमा भइरहेकाे गतिराेध अन्त्य नभएसम्म बजेटका कार्यक्रम भने प्रभावित हुन सक्ने सम्भावना छ ।
त्यसअघि प्रतिनिधिसभाको अपराह्न १ः३० हुने बैठकमा सभामुख देवराज घिमिरेले प्रधानमन्त्री तथा मन्त्रिपरिषद्को कार्यालयबाट प्राप्त कार्यभार थपसम्बन्धी पत्रको बेहोरा वाचन गर्ने तथा अर्थमन्त्री पौडेलले आर्थिक वर्ष २०८२/०८३ आर्थिक सर्वेक्षण पेस गर्ने कार्यसूची छ ।
त्यसैगरी राष्ट्रियसभाको अपराह्न १ः४५ मा हुने बैठकमा अर्थमन्त्री पौडेलले ‘आव २०८२/०८३ को आर्थिक सर्वेक्षण’ सभासमक्ष पेस गर्ने सम्भावित कार्यतालिका सार्वजनिक गरेको छ ।
फेसबुकबाट तपाईको प्रतिक्रिया