ह्वात्तै बढ्याे सुनको मूल्यः एकै दिन ६ हजार ९०० रुपैयाँ बढेर काराेबार हुँदै, नयाँ रेकर्ड कायम

काठमाडौँ । नेपाली बजारमा सुनको मूल्य मंगलबार एकै दिन तोलामा ६ हजार ९०० रुपैयाँले बढेको छ । महासंघका अनुसार मंगलबार कायम भएको मूल्य हालसम्मकै उच्च हो ।

नेपाल सुनचाँदी व्यवसायी महासंघका अनुसार अघिल्लो दिन तोलामा १ लाख ९१ हजार रुपैयाँ कायम भएको छापावाल सुनको मूल्य आज बढेर तोलामा १ लाख ९७ हजार ९०० रुपैयाँ कायम भएको हो । 

अन्तर्राष्ट्रिय बजारमा मूल्य बढिरहेकाले नेपाली बजारमा पनि यसको असर परेको हो । अन्तर्राष्ट्रिय सञ्चार माध्यमहरूका अनुसार सुनको मूल्य अझै बढ्ने बढ्ने क्रममा रहेको छ । 

यसैबीच चाँदीको मूल्य पनि सामान्य बढेको छ । सोमबार तोलामा १ हजार ९६० रुपैयाँ कायम भएको चाँदीको मूल्य मंगलबार बढेर तोलामा १ हजार ९७० रुपैयाँ कायम भएको हो ।