सुरक्षा निकायका प्रमुखसँग प्रधानमन्त्री बालेनको छलफल

काठमाडौं । प्रधानमन्त्री वालेन्द्र शाहले तीनवटै सुरक्षा निकायका प्रमुखसँग उच्चस्तरीय छलफल सुरु गरेका छन् ।

गत भदौ १० गते रसुवाको भोटेकोशी नदीमा आएको बाढीपछि सिर्जित परिस्थिति, खोज, उद्धार, राहत वितरण तथा उपचारलगायतका विषयमा जानकारी लिन प्रधानमन्त्री शाहले सुरक्षा निकायका प्रमुखसँग छलफल सुरु गरेका हुन् ।

सिंहदरबारस्थित प्रधानमन्त्री तथा मन्त्रिपरिषद्को कार्यालयमा प्रधानमन्त्री शाहले अहिले नेपाली सेनाका प्रधानसेनापति अशोकराज सिग्देलसँग छलफल गरिरहेका छन् ।

प्रधानसेनापति सिग्देलसँगको छलफलपछि प्रधानमन्त्री शाहले नेपाल प्रहरीका महानिरीक्षक दानबहादुर कार्की र सशस्त्र प्रहरी बल, नेपालका महानिरीक्षक नारायणदत्त पौडेलसँग पनि आजै छलफल गर्ने कार्यक्रम रहेको छ ।

बाढी प्रभावित क्षेत्रमा जारी खोज तथा उद्धार, राहत वितरण, उपचारलगायतका विषयमा सुरक्षा निकायबाट विस्तृत ब्रिफिङ लिने र आवश्यक निर्देशन दिने उद्देश्यले छलफल आयोजना गरिएको बताइएको छ ।