राष्ट्रिय खुला महिला बास्केटबल प्रतियोगिता आगामी असार १ गतेदेखि हुने

काठमाडाैं । नेपाल बास्केटबल संघको आयोजनामा १०औं राष्ट्रिय खुला महिला बास्केटबल प्रतियोगिता आगामी असार १ गतेदेखि हुने भएको छ ।

काठमाडाैंकाे कीर्तिपुर कभर्डहलमा हुने प्रतियोगितमा मोसफलका ३ सहित ८ टोलीको सहभागिता रहने आयोजकले शुक्रबार पत्रकार सम्मेलनमार्फत जानकारी गराएकाे हाे । मोफसलबाट सहभागी हुने टोलीमा अन्नपूर्ण बास्केटबल एसोसिएसन, कास्की, सुनसरी बास्केटबल एशाेसिएशन र लुम्बिनी प्रदेश रहेका छन् ।

बाँकी काठमाडाैं उपत्यकाका आईएसए नेपाल, लेट्स गो बास्केटबल एकेडेमी, ट्रेनिङ ग्राउन्ड, बूढानीलकण्ठ नगरपालिका र ग्रान्डी स्टार्स रहेका हुन् । मोफसलका टोलीलाई सहयोग स्वरुप ५० हजार रुपैयाँ उपलब्ध गराइने प्रतियोगिता संयोजक विकास शाहीले जानकारी दिएका छन्। उपाधि विजेताले ५० हजार तथा उपविजेता टोलीले ३० हजार नगद पुरस्कार प्राप्त गर्ने छन् । ‘मोस्ट भेलुएबल प्लेयर’ले जनही १० हजार रुपैयाँ पुरस्कार पाउने भएका हुन् । मोफसलका एक उदीयमान खेलाडीले ५ हजार रुपैयाँ पाउने भएका छन् ।

यो प्रतियोगिताबाट राष्ट्रिय महिला टोलीको छनोट गरी साबा महिला च्याम्पियनशिमा सहभागी गराइने संघले जनाएको हाे । साबा २०२६ को सेप्टेम्बरर अक्टोबरमा नेपाल वा भारतमा हुने सम्भावना रहेको संघका अध्यक्ष भीमसिंह गुरुङ जानकारी दिएका छन् । प्रतियोगिता सञ्चालन गर्न करिब १३ लाख ५० हजार रुपैयाँ खर्च हुने आयोजकको अनुमान हाे ।

लिग कम नकआउट ढाँचामा हुने प्रतियोगिताको फाइलल खेल असार ६ गते हुने भएकाे छ ।