धनकुटामा एमालेका राजेन्द्रकुमार राई विजयी

धनकुटा । प्रतिनिधिसभा सदस्यमा धनकुटाबाट नेकपा (एमाले) का राजेन्द्रकुमार राई विजयी भएका छन् । उनले १८ हजार १३२ मत प्राप्त गरी विजयी भएका हुन् ।

विजयी राईका निकटतम प्रतिद्वन्द्वी नेपाली काँग्रेसका दिनेश राईले १४ हजार २५७ मत प्राप्त गर्दा श्रम संस्कृति पार्टीका सानबहादुर राईले ११ हजार ९३२ मत तथा रास्वपाका दिनेश भण्डारीले नौ हजार ९४४ मत प्राप्त गरे ।

विजयी राईलाई निर्वाचन अधिकृत हरिषचन्द्र इङ्नामले प्रमाणपत्र प्रदान गरे । जिल्लामा कुल एक लाख १८ हजार ४२५ मतदाता रहेका छन् । निर्वाचनमा तीन स्वतन्त्र र १४ दलसहित १७ उम्मेदवार चुनावी मैदानमा थिए ।