सुनचाँदीको मूल्यमा ऐतिहासिक उछाल, फेरि नयाँ रेकर्ड

काठमाडौँ । नेपाली बजारमा मंगलबार सुनचाँदीको मूल्यले ऐतिहासिक रेकर्ड कायम गरेको छ।

लगातार बढिरहेको सुनको मूल्य मंगलबार पनि नयाँ उच्च बिन्दुमा पुगेको छ। पूर्वदर्शी कारोबारका अनुसार, सोमबार सुन प्रतितोला ३ लाख ९ हजार रूपैयाँमा कारोबार भएको थियो। नेपाल सुनचाँदी व्यवसायी महासंघले मंगलबार सुन प्रतितोला ३ लाख ९ हजार ३ सय रूपैयाँ पुगेको जानकारी दिएको छ, जुन सोमबारको रेकर्डभन्दा ३ सय रूपैयाँले बढी हो।

त्यस्तै, चाँदीको मूल्य पनि नयाँ उच्च बिन्दुमा पुगेको छ। सोमबार चाँदी प्रतितोला ६ हजार ७ सय ६५ रूपैयाँमा कारोबार भएको थियो भने मंगलबार ६ हजार ८ सय ७० रूपैयाँ पुगेको छ, जसमा प्रतितोला १ सय ५ रूपैयाँको वृद्धि देखिएको छ।

अन्तर्राष्ट्रिय बजारमा मंगलबार सुन प्रतिऔंस ५ हजार ७२ अमेरिकी डलरमा कारोबार भइरहेको छ भन्ने जानकारी महासंघले दिएको छ।