पूर्वमन्त्री विक्रम पाण्डे पक्राउ, ठेक्का अनियमितताको आरोप

काठमाडौं । प्रहरीले पूर्वमन्त्री विक्रम पाण्डेलाई पक्राउ गरेको छ । सरकारी बोलपत्रसम्बन्धी वेबसाइटमा पहुँच प्रयोग गरी ठेक्का आफ्नै कम्पनीलाई पारेकाे आरोपमा उनलाई नियन्त्रणमा लिइएको हो ।

नेपाल प्रहरी केन्द्रीय अनुसन्धान ब्यूरोका एआईजी मनोज केसीले पाण्डेलाई काठमाडौंबाट पक्राउ गरिएको पुष्टि गरेका छन् ।

पाण्डे कालिका कन्स्ट्रक्सनका सञ्चालक समेत हुन् । साथै, उनी राष्ट्रिय प्रजातन्त्र पार्टी (राप्रपा) का नेता हुन् ।

यसअघि पनि सिक्टा सिँचाइ आयोजनामा भ्रष्टाचार गरेको आरोपमा अख्तियार दुरुपयोग अनुसन्धान आयोगले २०७५ सालमा उनीविरुद्ध मुद्दा दायर गरेको थियो ।

पाण्डे २०७९ सालमा सहरी विकास मन्त्रीका रूपमा समेत कार्यरत रहेका थिए ।