पश्चिमी न्यून चापीय प्रणालीको प्रभाव: देशभर बदली, वर्षा र चट्याङ्गको सम्भावना

काठमाडाैं । हाल नेपालमा पश्चिमी न्यून चापीय प्रणाली तथा स्थानीय वायुको प्रभाव देखिएको छ। बिहीबार बिहान देशभर सामान्यतया बदली रही बागमती प्रदेश, गण्डकी प्रदेश, लुम्बिनी प्रदेश, कोशी प्रदेश, कर्णाली प्रदेश र सुदूरपश्चिम प्रदेश का केही स्थानहरूमा मेघगर्जन–चट्याङ्गसहित हल्कादेखि मध्यम वर्षा भइरहेको छ।

दिउँसो कोशी प्रदेश लगायत पहाडी तथा हिमाली भू–भागमा सामान्य बदली रहने र अन्य भू–भागमा आंशिक बदली रहने मौसम पूर्वानुमान महाशाखाले जनाएको छ। कोशी र मधेश प्रदेश का केही स्थानहरूमा मेघगर्जन–चट्याङ्गसहित मध्यम वर्षा तथा हिमपातको सम्भावना रहेको छ।

राति भने हिमाली क्षेत्रमा सामान्य बदली, पहाडी क्षेत्रमा आंशिक बदली र तराई क्षेत्रमा मौसम मुख्यतया सफा रहनेछ। साथै कोशी, गण्डकी तथा अन्य हिमाली भू–भागका केही स्थानहरूमा हल्का वर्षा वा हिमपात हुन सक्ने सम्भावना रहेको छ।