भोटेबहालमा बसको ठक्करबाट दुई भारतीय नागरिकको मृत्यु

काठमाडौं — काठमाडौँ महानगरपालिका–१२ भोटेबहालमा बसको ठक्करबाट दुई भारतीय नागरिकको मृत्यु भएको छ।

कालिमाटीबाट त्रिपुरेश्वरतर्फ आउँदै गरेको ओम जनता यातायातको बसले ठक्कर दिँदा ४५ वर्षीय पदम उपाध्याय र ३७ वर्षीय सतिशकुमार कुसवाह गम्भीर घाइते भएका थिए। उनीहरूको उपचारका क्रममा राष्ट्रिय ट्रमा सेन्टर मा गए राति मृत्यु भएको प्रहरीले जनाएको छ।

वाग्मती प्रदेश ३–०१–००५ ख ९२९८ नम्बरको बसको ठक्करबाट उनीहरू घाइते भएका थिए।

प्रहरीले बस चालक दोलखा घर भई कपन बस्ने ३५ वर्षीय मानबहादुर बस्नेतलाई पक्राउ गरेको छ। घटनाबारे प्रहरी वृत्त कालिमाटी ले थप अनुसन्धान गरिरहेको जनाएको छ।