117
Shares
काठमाडौं । नेपाली कांग्रेस को केन्द्रीय कार्यसम्पादन समितिको बैठक आइतबार बस्ने भएको छ।
बैठक आज दिउँसो १ बजेदेखि पार्टीको केन्द्रीय कार्यालय नेपाली कांग्रेस केन्द्रीय कार्यालय मा बस्ने जनाइएको छ। बैठकको मुख्य एजेन्डा समानुपातिक सांसद छनोट रहेको छ।
निर्वाचनअघि निर्वाचन आयोग मा बुझाइएको समानुपातिक बन्दसूचीमा रहेका उम्मेदवारहरूमध्येबाट दलले प्राप्त गरेको सिट संख्याका आधारमा प्रतिनिधिसभा सदस्यहरूको नाम अन्तिम छनोट गरी आयोगमा पठाउने विषयमा बैठकमा छलफल र निर्णय हुने बताइएको छ।
केन्द्रीय कार्यसम्पादन समितिका सम्पूर्ण पदाधिकारी तथा सदस्यहरूलाई तोकिएको समयमा उपस्थित हुन अनुरोध गरिएको छ।
पार्टीले समानुपातिकतर्फ २० सिट पाउने भएको छ। गत फागुन २१ गते सम्पन्न प्रतिनिधिसभा निर्वाचनमा कांग्रेसले प्रत्यक्षतर्फ १८ सिट जितेको थियो।
फेसबुकबाट तपाईको प्रतिक्रिया