प्रतिनिधिसभा निर्वाचनमा २ हजार ८ सय ९० उम्मेदवारको धरौटी जफत

काठमाडौं । फागुन २१ गते सम्पन्न प्रतिनिधिसभा सदस्य निर्वाचनमा प्रत्यक्षतर्फ (पहिलो हुने निर्वाचित हुने प्रणाली) प्रतिस्पर्धा गरेका २ हजार ८ सय ९० जना उम्मेदवारले आफ्नो धरौटी (जमानत) जफत भएको निर्वाचन आयोगले जनाएको छ।

निर्वाचन आयोगका सूचना अधिकारी सुमन घिमिरेका अनुसार निर्वाचनमा भाग लिन चाहने उम्मेदवारले कानून अनुसार निश्चित धरौटी रकम राख्नुपर्ने व्यवस्था छ।

निर्वाचन सम्बन्धी कानूनअनुसार उम्मेदवारले आफ्नो निर्वाचन क्षेत्रमा खसेको कुल सदर मतको १० प्रतिशतभन्दा बढी मत प्राप्त गरेमा मात्रै धरौटी रकम फिर्ता हुन्छ। यदि उम्मेदवारले १० प्रतिशतभन्दा कम मत प्राप्त गरेमा राखिएको धरौटी रकम राज्यको ढुकुटीमा जफत हुने कानूनी प्रावधान रहेको आयोगले जनाएका छन्।