जेनजी आन्दोलन जाँचबुझ आयोगले प्रधानमन्त्री कार्कीलाई प्रतिवेदन बुझायो

काठमाडौं । जेनजी आन्दोलन सम्बन्धी जाँचबुझ आयोगको टोलीले प्रधानमन्त्री तथा मन्त्रिपरिषद् कार्यालयमा प्रतिवेदन बुझाएको छ।

आयोगका अध्यक्ष गौरीबहादुर कार्की, सदस्य विज्ञानराज शर्मा र कानुनविज्ञ विश्वेश्वर भण्डारीसहितको टोली प्रधानमन्त्री सुशीला कार्कीलाई प्रतिवेदन बुझाउन पुगेको हो।

प्रतिवेदनमा जेनजी आन्दोलनका कारण उत्पन्न परिस्थितिहरूको तथ्याङ्क, घटनाक्रम र सुझावहरू समावेश रहेको बताइएको छ। आयोगले आन्दोलनका क्रममा भएका मानवअधिकार उल्लङ्घन, सुरक्षा व्यवस्थापन र सम्बन्धित निकायहरूको भूमिका जस्ता विषयमा विस्तृत अध्ययन गरेको छ।

प्रधानमन्त्री कार्यालयले प्रतिवेदन प्राप्ति पछि आयोगको सिफारिसका आधारमा आगामी कदमहरूको मूल्याङ्कन गरिने जनाएको छ। सरकारले प्रतिवेदनमा उल्लिखित सुझावहरू कार्यान्वयन गरी आन्दोलनसँग सम्बन्धित समस्या समाधानमा पहल गर्ने अपेक्षा गरिएको छ।