देशभर प्रारम्भिक मतगणनामा रास्वपाको अग्रता, ३६ क्षेत्रमा अगाडि

काठमाडौं : देशभर जारी प्रतिनिधिसभा निर्वाचनको प्रारम्भिक मतगणनामा राष्ट्रिय स्वतन्त्र पार्टी (रास्वपा)ले अधिकांश क्षेत्रमा अग्रता लिएको छ।

हालसम्मको विवरणअनुसार रास्वपाले ३६ निर्वाचन क्षेत्रमा अग्रता कायम गरेको छ। नेकपा (एमाले) ६ क्षेत्रमा अगाडि रहेको छ भने नेपाली कांग्रेसले २ क्षेत्रमा अग्रता लिएको छ। त्यस्तै, नेकपाले १ क्षेत्रमा अग्रता बनाएको छ।

अहिलेसम्म अधिकांश क्षेत्रमा मतगणना जारी रहेकाले अन्तिम विजेता घोषणा भइसकेको छैन। यद्यपि काठमाडौं–१ मा रास्वपाकी रञ्जु दर्शना विजयी भएको जानकारी प्राप्त भएको छ।

देशको पाँचौं ठूलो दल राष्ट्रिय प्रजातन्त्र पार्टी (राप्रपा) ले भने हालसम्म कुनै पनि क्षेत्रमा अग्रता लिन सकेको छैन।

त्यसैगरी कुलमान घिसिङ को नेतृत्वमा गठन भएको नयाँ पार्टी उज्यालो नेपाल ले पनि काठमाडौं–३ मा अग्रता बनाउन सकेको छैन।

देशभरको प्रारम्भिक मतपरिणाम हेर्दा सुरुवाती चरणबाटै रास्वपाले उल्लेख्य अग्रता बनाइरहेको देखिएको छ।