इरानी आक्रमणपछि यूएईका विमानस्थल सीमित उडानमा, इरानले खाडी देशप्रति शत्रुता नरहेको दाबी

एजेन्सी । यूएईको दुबई र अबुधाबी विमानस्थलसहित खाडी क्षेत्रमा इरानले आक्रमण गरे लगत्तै उडान रद्द भए पनि सोमबार रातिदेखि सीमित रूपमा पुनः सञ्चालनमा आएका छन्।

आबुधाबी विमानस्थल प्रशासनका अनुसार तीन दिनपछि मात्रै सीमित सङ्ख्यामा उडान शुरु भएको हो र आक्रमण अघिकै पूर्ण सञ्चालनमा फर्किन अझै समय लाग्ने बताइएको छ।

इरानले खाडीका देशप्रति आफ्नो कुनै शत्रुता नभएको दाबी गरेको छ। अमेरिकी–इजरायलको संयुक्त हवाई आक्रमणपछि मध्यपूर्वमा जवाफी कारबाही गर्दै इरानले छिमेकीसँग कुनै शत्रुता नरहेको स्पष्ट पारेको छ।

इरानका विदेशमन्त्री अब्बास अराघची ले अमेरिकी सैन्य अखडा लक्षित आक्रमण भएको र यसलाई खाडी देशविरुद्धको आक्रमणको रूपमा हेर्न नहुने जानकारी समाचार संस्था एएफपीले प्रदान गरेको छ।

यसैबीच, अमेरिका–इजरायलको संयुक्त हवाई आक्रमणमा इरानी सर्वोच्च नेता आयोतोल्लाह अली खामेनी, रक्षामन्त्री अमिर नसिरजादेह सहित केही सैन्य अधिकारी मारिएका छन्।

इरानले खाडी देशप्रति शत्रुता नरहेको भने पनि दुबई, अबुधाबी र कुवेतका विमानस्थल निशानामा परेका थिए।