मधेश–तराई सुरक्षा अवस्थाबारे छलफल गर्न केन्द्रीय सुरक्षा समितिको बैठक जारी

काठमाडौं । केन्द्रीय सुरक्षा समितिको बैठक जारी छ। सिंहदरबार स्थित गृह मन्त्रालय मा अहिले बैठक बसिरहेको गृहमन्त्री ओमप्रकाश अर्याल को सचिवालयले जनाएको छ।

बैठकमा विशेषगरी मधेश–तराई क्षेत्रमा देखिएको जातीय, धार्मिक तथा निर्वाचनसँग सम्बन्धित सुरक्षा चुनौतीका विषयमा छलफल भइरहेको मन्त्रालयले जानकारी गराएको छ। मधेश प्रदेश को गौर मा दुई समुदायबीच विवाद बढेपछि उत्पन्न तनावबारे गृहमन्त्री अर्यालले केन्द्रीय सुरक्षा समिति बैठक बोलाएर छलफल गरेका हुन्।

बैठकमा गृहमन्त्री अर्यालसहित चारवटै सुरक्षा निकायका उच्च पदाधिकारीहरूको उपस्थिति रहेको छ। बैठकका निर्णयबारे केहीबेरमा जानकारी गराइने गृह मन्त्रालयले जनाएको छ।