काठमाडौं ।राप्रपाद्वारा प्रतिनिधि सभा निर्वाचनका लागि घोषणापत्र सार्वजनिक राष्ट्रिय प्रजातन्त्र पार्टी (राप्रपा) ले आसन्न प्रतिनिधि सभा निर्वाचनका लागि आफ्नो चुनावी घोषणापत्र सार्वजनिक गरेको छ ।
शनिबार पार्टी केन्द्रीय कार्यालयमा आयोजित कार्यक्रममा अध्यक्ष राजेन्द्र लिङ्देन ले घोषणापत्र वाचन गर्दै सार्वजनिक गर्नुभएको हो । राप्रपाले आफ्नो घोषणापत्रलाई ‘संकल्प पत्र’ नाम दिएको छ ।
घोषणापत्रमा अबको राष्ट्रिय गन्तव्यका रूपमा ‘सबल, समृद्ध र सम्मुनत नेपाल – पृथ्वी पथ’ अवधारणा अघि सारिएको छ ।
पार्टीले शासकीय स्वरूपसम्बन्धी धारणा पनि घोषणापत्रमा समेटेको छ । जसमा अभिभावकीय संस्थाका रूपमा राजसंस्था आवश्यक रहेको उल्लेख गरिएको छ । साथै, प्रदेश संरचना खारेज गरी केन्द्र र बलियो स्थानीय तहसहित दुई तहको शासन प्रणाली लागू गर्नुपर्ने प्रस्ताव राखिएको छ ।
त्यसैगरी, गैरदलीय स्थानीय तहको अवधारणा पनि घोषणापत्रमा समावेश गरिएको छ ।
जलस्रोत, पर्यटन, कृषि, सूचना प्रविधि र सुशासनलगायतका विषयलाई घोषणापत्रका प्रमुख प्राथमिकताका रूपमा समेटिएको राप्रपाले जनाएको छ ।
फेसबुकबाट तपाईको प्रतिक्रिया