पूर्वराष्ट्रपति युन सुक–योललाई पाँच वर्ष कैदको फैसला

काठमाडौं । दक्षिण कोरियाको सियोल सेन्ट्रल डिस्ट्रिक्ट कोर्टले पूर्वराष्ट्रपति युन सुक–योललाई न्याय सम्पादनमा अवरोध पुर्‍याएको अभियोगमा पाँच वर्षको कारावासको फैसला सुनाएको छ।

सन् २०२५ जनवरीमा भ्रष्टाचार विरोधी निकायले उनलाई पक्राउ गर्न खोज्दा युनले राष्ट्रपतिको सुरक्षा सेवालाई दुरुपयोग गरी अनुसन्धानमा अवरोध सिर्जना गरेको अदालतले ठहर गरेको हो। सो क्रममा सुरक्षाकर्मीहरूले मानव ढाल र बसहरू प्रयोग गरी अनुसन्धानकर्ताहरूलाई राष्ट्रपतीय निवास प्रवेशमा रोक्न खोजेका थिए।

अदालतले युनले कानूनी प्रक्रियालाई व्यक्तिगत स्वार्थका लागि प्रयोग गरेको, प्रमाण नष्ट गर्ने प्रयास गरेको र आफ्नो गल्तीप्रति कुनै पश्चात्ताप नजनाएको उल्लेख गरेको छ।

यद्यपि उनी पहिलो पटक अपराधी ठहरिएका कारण अदालतले ५ वर्षको सजाय तोकेको हो। यो फैसला उनको विफल सैन्य शासन प्रयाससँग सम्बन्धित पहिलो फैसला हो। त्यस्तै, राजद्रोहको छुट्टै मुद्दामा अभियोजकहरूले उनलाई मृत्युदण्डको माग गरिरहेका छन्।