कांग्रेस कार्यवाहक सभापति खड्काद्वारा आज पत्रकार सम्मेलन

काठमाडौँ । नेपाली कांग्रेसका कार्यवाहक सभापति पूर्णबहादुर खड्काले आज पत्रकार सम्मेलन आयोजना गर्ने भएका छन्। गगन थापा र विश्वप्रकाश शर्मा समूहले विशेष महाधिवेशनबाट नयाँ कार्यसमिति घोषणा गरेपछि खड्काले पत्रकार सम्मेलन गर्न लागेका हुन्।

कांग्रेस केन्द्रीय कार्यालयका मुख्य सचिव कृष्णप्रसाद पौडेलका अनुसार आज दिउँसो २ बजे पार्टीको केन्द्रीय कार्यालय सानेपामा पत्रकार सम्मेलन आयोजना गरिएको छ।

कार्यवाहक सभापति खड्काले पार्टीका केन्द्रीय नेताहरूको उपस्थितिमा समसामयिक राजनीतिक तथा पार्टीगत विषयमा धारणा सार्वजनिक गर्ने मुख्य सचिव पौडेलले जानकारी दिए।