हात्तीलाई वनभोज खुवाउँदै मनाइयो १४ औं अन्तर्राष्ट्रिय 'हात्ती दिवस'

चितवन । चितवनको सौरहामा हात्तीलाई वनभोज खुवाइएको छ।

१४ औं अन्तर्राष्ट्रिय हात्ती दिवसको अवसरमा मंगलवार सौरहामा रहेका हात्तीलाई वनभोज खुवाइएको हो । युनाइटेड हात्ती सञ्चालक सहकारी संस्था लिमिटेडले बाघमारा मध्यवर्ती सामुदायिक वनको चौरमा गरेको हात्ती वनभोज कार्यक्रममा चितवन राष्ट्रिय निकुञ्ज, राष्ट्रिय प्रकृति संरक्षण कोष तथा निजीस्तरमा पालिएका हात्तीलाई वनभोज खुवाइएको हो । वनभोजमा सरकारी र निजी गरेर ६० वटा सहभागी थिए । 

निजी ३८, निकुञ्जका १९ र राष्ट्रिय प्रकृति संरक्षण कोषका तीन वटा हात्ती वनभोजमा सहभागी थिए । वनभोजमा हात्तीलाई मन पर्ने परिकार सख्खर, चना, फर्सी, उखु, ड्रागनफूड, स्याउ, केरा, खरबुजाका परिकार राखिएको थियो। हरेक वर्ष अगष्ट १२ का दिन हात्ती संरक्षणको उद्देश्यले यो दिवस मनाइन्छ।