आज राष्ट्रिय सभाको बैठक बस्दै

काठमाडौँ ।  संघीय संसदअन्तर्गत आज दुवै सदनको बैठक बस्दैछ । जस अन्तर्गत मध्यान्ह सवा १२ बजे राष्ट्रिय सभाको बैठक बस्दैछ । 

बैठकमा  विनियोजन विधेयक, २०८२ का विभिन्न शिर्षकहरूमध्ये कानून, न्याय तथा संसदीय मामिला मन्त्रालय, वन तथा वातावरण मन्त्रालय, महिला, बालबालिका तथा ज्येष्ठ नागरिक मन्त्रालय, शहरी विकास मन्त्रालय, उद्योग, वाणिज्य तथा आपूर्ति मन्त्रालयमाथि छलफल हुनेछ ।  

यस्तै  भूमि व्यवस्था, सहकारी तथा गरिबी निवारण मन्त्रालय, अर्थ मन्त्रालय, सङ्घीय मामिला तथा सामान्य प्रशासन मन्त्रालय, संस्कृति, पर्यटन तथा नागरिक उड्डयन मन्त्रालय, स्वास्थ्य तथा जनसङ्ख्या मन्त्रालय, सञ्चार तथा सूचना प्रविधि मन्त्रालय, परराष्ट्र मन्त्रालय, ऊर्जा, जलस्रोत तथा सिंचाई मन्त्रालय, खानेपानी मन्त्रालयको छलफल हुनेछ ।