काठमाडौं । बुधबार नेपाल स्टक एक्स्चेञ्ज (नेप्से) १.८८अंक घटेको छ ।
याे सँगै परिसूचक दुई हजार छ सय ७५ दशमलव ५१ अंकमा पुगेको छ । तिहारपछि खुलेको बजार मंगलबार पनि घटेको थियो ।
आज १२१ कम्पनीको शेयरमूल्य बढेकोमा ११७ कम्पनीको शेयरमा भने गिरावट आएको छ । ६ वटा कम्पनीको शेयर यथावत रहेको छ भने तीन वटा कम्पनीको शेयर मूल्यमा पोजेटिभ सर्किट लागेको छ ।
नेप्सेका अनुसार आज नारायणी डेभलप्मेन्ट बैंक, बलेफी हाइड्रो पावर, पिपुल्स हाइड्रोपावरकाे पोजेटिभ सर्किट लागेको हो । आज ५ अर्ब २२ करोड २४ लाख बराबरको शयेर खरिद विक्री भएको नेप्सेले जनाएको छ ।
